Norgga kulturservviid reive 

Oanehis, sámegillii heivehuvvon veršuvdna
(Dárogielat guhkes čállosa gávnnat čujuhusas www.kulturbrevet.no)

 

Logi kulturbáhkkoma

1. Kulturdoahpaga ii leat váttis láivudit
Buori kulturpolitihkas doalahat kulturdoahpaga, mii lea vuolgán dáidagis. Viissis politihkkár bargá dan ovdii, ahte kultuvra ja eará servodatoasit doibmet vuorrováikkuhusas nubbi nuppiin, iige bija kultuvrii eastadan- dahje gávppálaš gáibádusaid.

2. Nu guhká go kulturbargit riidalit, eat oaččo bohtosiid
Mii sávvat politihkkáriid, geat eai ávkkástala kultureallima dárbbašmeahttun ruossariidduin, muhto baicce movttiidahttet ovttasdoaibmamii.

3. Jus hálidat oidnosii máilmmis, duhkoratta!
Mii sávvat skuvla- ja kulturpolitihkkáriid, geat beroštit dakkár olbmuid ovdánahttimis, geat liikojit duhkoraddat, ráhkadit ođđa áššiid ja geat leat musalaččat.

4. Ii buot, mii orru amas, leat dušši
Go ieža eat álo ádde ođđa dáidaga, eat dattetge galgga ovddidit kulturpolitihka, mii hehtte ođđaráhkadeami.

5. Kultuvra lea sihke ođđaráhkadeapmi ja ođđasithábmen
Dárbbašlaš áŋgiruššan ođđaráhkadeami ovdii ii galgga jávkadit ođđasithábmema ja árbevieruid gaskkusteami, mas lea illu sihke dáiddáriidda, čađaheaddjiide ja geahččiide.

6. Buolvvat - ovttastuvvet!
Mánáid ja nuoraid ovdii ferte áŋgiruššat seammás go kulturpolitihkas deattasta jahkejoavkkuid oktasaš deaivvadansajiide.

7. Ii leat doarvái leat ieš
Viissis kulturpolitihkas doaibmat sihke kultuvrralaš identitehtaid mielde ja daid rastá.

8. Áigi lea buorre ruhta
Mii sávvat politihkkáriid, geat oidnet kultur- ja kánturbarggu erohusa, geat dihtet ahte kvalitehta ráhkadeapmi ádjána, ja geat oidnet man mávssolaš buot doaimmain lea investeret áigái.

9. Heahti oahpaha dáiddára rávdin
Mii sávvat politihkkáriid, geat fuolahit kultureallimis, nu ahte dat ii dárbbaš eallit lihkkovurbbiin ja oadjoruđaiguin. Ulbmil lea ovdánit dakkár ruđalaš dillái, mii heive midjiide kulturnašuvdnan.

10. Atte nubbái seammá vuoigatvuođaid, maid alccesat háliidivččet
Mii ávžžuhat politihkkáriid čielggadit, mo álbmogii sáhttá sihkkarastit kulturvuoigatvuođaid dalle go gielddain ja fylkkagielddain lea heajos ruhtadilli.

Mii oaivvildat

 

Álgosiidui                         

Searvvit:

• Danse- og teatersentrum
• Du store verden!
• FRISAM – Frivillighetens samarbeidsorgan
• Kulturforbundet
• Landsforbundet Teatrets Venner
• Landsrådet for Norges barne- og   ungdomsorganisasjoner
• Musikernes fellesorganisasjon
• Noregs Ungdomslag
• Norges museumsforbund
• Norsk Allaktivitetshus Forening
• Norsk Amatørteaterråd
• Norsk Bibliotekforening
• Norsk Kulturforum
• Norsk Kulturhusnettverk
• Norsk kulturskoleråd
• Norsk musikkråd
• Norsk Skuespillerforbund
• Norsk Teaterleder-Forum
• Norsk teater- og orkesterforening
• Norsk Teaterunion
• Norske Billedkunstnere
• Norske Kunstforeningers Landsforbund